Logo do paso da fronte durante a xornada do domingo, xa no luns iremos quedando progresivamente baixo influencia anticiclónica. Con esta situación, agárdanse ceos con alternancia de nubes e claros, con menos nubes canto máis ó sur e con posibilidade dalgún chuvasco ocasional illado. As temperaturas mínimas sufrirán un descenso entre moderado e notable, mentres que as máximas continuarán sen cambios ou con lixeiros descensos no terzo norte. Os ventos soprarán de dirección variable, frouxos en xeral.