A Casa das Campás acolle a partir deste xoves ás 19.00 horas as III Xornadas 'Represaliadas e resistentes', organizadas pola Concellaría de Patrimonio Histórico, e que teñen como obxectivo dar a coñecer a represión vivida polas mulleres, "as máis esquecidas dentro da memoria silenciada".

Nesta primeira sesión haberá unha mesa redonda que abrirá o investigador Xosé Álvarez Castro facendo un repaso ao acontecido na cidade a raíz do golpe de Estado de xullo do 36. Baixo o título 'Sobrevivir á represión e á ditadura' falarán tamén dúas mulleres pertencentes a familias represaliadas, Ramona Fariña e María do Carme Lores, que compartirán cos asistentes a súa visión do conflicto.

A xornalista Montse Fajardo tamén participará na mesa redonda para falar de historias de outros familiares de asasinados o 12 de novembro como Ramiro Paz, Germán Adrio ou José Adrio, de exiliados como Bibiano Fernández-Osorio Tafall ou de represaliados como os Gama.

PROGRAMA DAS XORNADAS

Venres 27 de marzo

• 19.00 horas: Conferencia de Montse Dopico. 'Semente de mudanzas'
• 20.00 horas: Proxección do documental 'La memoria de las olvidadas'

 

Sábado 28 de marzo

• 11.00 horas: Conferencia de Paula Godinho. 'Propiedade privada da história e "memórias fracas": a esquerda da esquerda e as revoltas da memória'.
• 11.45 horas: Relatorio de Aurora Rodrigues. 'Memoria da represión e da resistencia na Ditadura portuguesa'
• 12.15 horas: Relatorio de Pilar Allegue. 'Memoria da represión e da resistencia na Ditadura franquista'.
• Remate cun coloquio

 

As xornadas son gratuítas e non é preciso inscrición previa.